ການຄ້າທາງເອເລັກໂທຣນິກ (E-Commerce) ແມ່ນຫຍັງ?
ບັນຫາສຳຄັນ
ນິຍາມຂອງ (E-Commerce)
ຮູບແບບຂອງ E-Commerce
ໂຄງສ້າງ ແລະ ອົງປະກອບຂອງ E-Commerce
ກົນໄກການຮັກສາຄວາມປອດໄພໃນການຈ່າຍເງິນ
Q&A ບັນຫາ ແລະ ອຸປະສັກຂອງການຄ້າໃນ Internet
ໂດຍລວມ
ກ່ອນທີ່ຈະສຶກສາເຖິງພື້ນຖານຂອງ E-Commerce ເຮົາຕ້ອງມາຮຽນຮູ້ກ່ອນວ່າ: E-Commerce ມີອົງປະກອບຫຍັງແດ່? ລະບົບ Shopping cart ເຮັດວຽກແນວໃດ? ແລະ ສາມາດຮັບການຈ່າຍເງິນຜ່ານລະບົບ Internet ໄດ້ແນວໃດ? ລວມເຖິງອຸປະສັກ ແລະ ຜົນກະທົບຕ່າງໆຕໍ່ E-Commerce ບໍ່ວ່າຈະເປັນເລື່ອງຂອງກົດໝາຍ, ພາສີນຳເຂົ້າ ຕ້ອງໄດ້ສຶກສວາໃຫ້ລະອຽດ ເພາະວ່າແຕ່ລະປະເທດມີກົດໝາຍ ຫຼື ພາສີການນຳເຂົ້າແຕກຕ່າງກັນ.
ນິຍາມຂອງ (E-Commerce)
ຄວາມໝາຍທີ່ແທ້ຈິງຂອງ E-Commerce ໝາຍເຖິງການຄ້າທຸກປະເພດທີ່ດຳເນີນການໂດຍຜ່ານທາງສື່ເອເລັກໂທຣນິກເຊັ່ນ: Internet, Fax, Telephone, TV Media, ໂທລະສັບ…
ຮູບແບບຂອງ E-Commerce
ການຄ້າທາງເອເລັກໂທຣນິກ ນິຍົມແບ່ງໄປຕາມລັກສະນະຂອງຜູ້ຄ້າຂາຍ ແລະ ກຸ່ມລູກຄ້າເຊິ່ງສາມາດແບ່ງອອກເປັນ 3 ກຸ່ມດັ່ງນີ້:
Business to Business (B-to-B)
Business to Consumer (B-to-C)
Consumer to Consumer (C-to-C)
Business to Business (B-to-B)
ເປັນການຄ້າຂະໜາດໃຫຍ່ລະຫວ່າງອົງກອນກັບ ອົງກອນ, ສ່ວນໃຫຍ່ຈະເປັນສິນຄ້າສົ່ງອອກ ຫຼື ນຳເຂົ້າ, ເຊິ່ງເປັນການສົ່ງສິນຄ້າເປັນ Box ຂະໜາດໃຫຍ່, ສ່ວນ ການຈ່າຍເງິນຈະຜ່ານທາງທະນາຄານເຊັ່ນ: T/T, LC.
Business to Consumer (B-to C)
ເປັນການຄ້າຍ່ອຍໄປຫາຜູ້ບໍລິໂພກທົ່ວໂລກ ຫຼືພາຍ ໃນທ້ອງຖິ່ນຂອງຕົນ ຫຼື ອາດເປັນການຂາຍສິນຄ້າເປັນ Box ຂະໜາດໃຫຍ່, ເປັນໂຫຼ ຫຼື ຂາຍຍ່ອຍ, ເຊິ່ງການຈ່າຍເງິນສ່ວນໃຫຍ່ຈະໃຊ້ບັດເຄຣດິດ, ການຄ້າແບບນີ້ມັກກາຍເປັນການຄ້າແບບ B-to-B ໃນອະນາຄົດ ແລະ ມີຫຼາຍບໍລິສັດມີການດຳເນີນທັງ 2 ທຸລະ ກິດນີ້ພ້ອມກັນ.
Consumer to Consumer (C-to-C)
ເປັນການຄ້າຍ່ອຍລະຫວ່າງບຸກຄົນທົ່ວໄປ ຫຼື ລະ ຫວ່າງຜູ້ໃຊ້ Internet ດ້ວຍກັນເຊັ່ນ: ການຂາຍສິນຄ້າມື ສອງ, ການຂາຍ Software, ການຂາຍເພງ Online ແລະ ອື່ນໆ.
ໂຄງສ້າງ ແລະ ອົງປະກອບຂອງ E-Commerce
ອົງປະກອບຂອງ E-Commerce ທີ່ສາມາດດຳ ເນີນການຊື້ຂາຍເທິງ Internet ໄດ້ຕ້ອງປະກອບດ້ວຍ:
Web page ຫຼື ຮ້ານຄ້າເທິງ Internet.
ລະບົບ Shopping Cart (Shopping Cart System).
Secure Payment System.
Web page ຫຼືຮ້ານຄ້າເທິງ Internet
ເປັນບ່ອນປະກາດຂາຍສິນຄ້າເທິງ Internet ເຊິ່ງອາດຈະເປັນໜ້າຮ້ານເພື່ອໂຄສະນາສິນຄ້າທຳມະດາ, ແລ້ວນຳໄປຝາກໄວ້ກັບ Web Site ອື່ນ ຫຼື ອາດຈະມີ Web Site ເປັນຂອງຕົວເອງເຊັ່ນ: www.siamgift.com, www.siamflorist.com ເປັນຕົ້ນ. ໜ້າ Web page ທີ່ສະ ເໜີຂາຍສິນຄ້ານີ້ບາງຄັ້ງອາດເອີ້ນວ່າ "ໜ້າຮ້ານ (Store Fornt)"
ລະບົບ Shopping Cart (Shopping Cart System):
ເປັນລະບົບທີ່ສາມາດ Click ເພື່ອສັ່ງຊື້ສິນຄ້າຈາກ ໜ້າ Web page ໄດ້, ເຊິ່ງມີບ່ອນໃຫ້ເພີ່ມຈຳນວນສິນຄ້າ, ການສັ່ງຊື້ແຕ່ລະຄັ້ງຈະເປັນການເກັບສິນຄ້າລົງໃນກະຕ່າ ແລະ ສະສົມໄວ້ຈົນກວ່າຈະສັ່ງຊື້ຄົບ ແລ້ວໃຫ້ລະບົບຄິດ ໄລ່ເງິນຢ່າງອັດຕະໂນມັດ.ສາມາດເບິ່ງລະບົບ Shopping Cart ໄດ້ຈາກ www.shoppingthai.com
Secure Payment System:
ເປັນລະບົບຄິດໄລ່ເງິນ ແລະ ການຈ່າຍເງິນຄ່າສິນຄ້າທີ່ປອດໄພ, ສ່ວນຫຼາຍຈະຈ່າຍເງິນດ້ວຍບັດເຄຣດິດ, ການໂອນຂໍ້ມູນຂອງບັດເຄຣດິດ ເທິງເຄືອຂ່າຍຕ້ອງໄດ້ເຂົ້າລະຫັດກ່ອນ ເພື່ອປ້ອງກັນການຮົ່ວໄຫຼຂອງຂໍ້ມູນຕ່າງໆຂອງບັດ. ໃນປັດຈຸບັນນິຍົມໃຊ້ລະບົບ SSL (Secure Socket Layers) ແຕ່ບໍ່ມີຄວາມປອດໄພ 100% ເພາະລະບຸໄດ້ພຽງແຕ່ເຈົ້າຂອງຮ້ານ, ບໍ່ສາມາດລະບຸເຈົ້າຂອງບັດໄດ້. ແລະ ລະບົບ SET (Secure Electronic Transaction) ຈະລະບຸທັງສອງຝ່າຍ, ແຕ່ລົງທຶນສູງ, ນອກນັ້ນຍັງມີລະບົບທີ່ງ່າຍ ແລະ ປະຢັດ ເຊັ່ນ "ລະບົບຮັກສາຄວາມປອດໄພແບບຕັກກະສາດ" ຄືການກວດສອບຂໍ້ມູນຫຍັງກໍໄດ້ທີ່ບໍ່ຢູ່ໃນບັດເຊັ່ນ: ວັນ, ເດືອນ, ປີເກີດ, ໃຊ້ Pin Code ຫຼື ທີ່ຢູ່...ເມືອ່ມີການສັ່ງຊື້ຫຼາຍຜິດປົກະຕິ ທາງທະນາຄານທີ່ເຮົາເປັນສະມາຊິກເຂົາກໍຕ້ອງກວດສອບຢ່າງລະອຽດວ່າມີການສັ່ງຊື້ຈິງ ຫຼື ບໍ່.
ກົນໄກການຮັກສາຄວາມປອດໄພໃນການຈ່າຍເງິນ
ການດຳເນີນການຄ້າເທິງ Internet ມີການຈ່າຍເງິນດ້ວຍບັດເຄຣ ດິດ, ແຕ່ມີບັນຫາຫຼັກໆທີ່ວ່າ ຢ້ານເລກບັດເຄຣດິດຮົ່ວໄຫຼ, ແລ້ວຄົນອື່ນສາ ມາດນຳໄປຊື້ສິນຄ້າເທິງ Internet ໄດ້. ດັ່ງນັ້ນຕ້ອງມີການເຂົ້າລະຫັດກ່ອນແລ້ວຈຶ່ງສົ່ງ ຫຼື ຕ້ອງມີລະບົບຮັກສາຄວາມປອດໄພ, ເຊິ່ງປັດຈຸບັນນິຍົມໃຊ້ 2 ລະບົບຄື:
SSL (Secure Socket Layers) ແລະ
SET (Secure Electronic Transaction)
ບັນຍາຍ ແລະ ດັດແປງໂດຍ ອຈ ນິຣັນກຸນ ສິງປຣະເສີດ (ອັບເດດ ຕາມສະພາບ ສະເພາະເວລາສອນ ຂື້ນຫ້ອງ lecture No Update Sheet) ຮຽບຮຽງໂດຍ: ອາມອນ ຈັນທະພາວົງ (lated update 2011)
ພາກວິຊາ ວິທະຍາສາດຄອມພິວເຕີ
ຄະນະວິທະຍາສາດທຳມະຊາດ
ມະຫາວິທະຍາໄລແຫ່ງຊາດ
